Pawòl douvan

Lèw vwè konba pété koté lè 10 Mé 1802 asi Bastè, on mas moun lévé gaoulé é rantré an mouvman kont troup a Napoléon. Yo tout di : AWA ! NOU SE MOUN… Sété GO-ZYÉ, nou lè 10 mé 1802. Sé pou sa lanné la-sa NOU ké ay a LÈWOU GOZYÉ pou onoré mémwa a ÉDWA… Men ki moun ki ÉDWA ? LONÈ é RÈSPÉ pou-y !

2 zyèm KONVWA POU KONSTWI GWADLOUP èvè Mouvman KBM (KA NOU KÉ BWÈ É MANJÉ)

ANNOU WOUPRAN SA KI TAN NOU, BWÈ-É-MANJÉ AN NOU POU NOU WOUPRAN DOUBOUT AN NOU É ARÉTÉ GONFLÉ PÒCH A SÉ LÉ ZÒT-LA. NOU PÉ PA LÉSÉ KLÉ A LÈSTONMAK AN NOU AN MEN A YO.

Vini vwè tousa nou pé fè épi MOULIKILEN

Nou ké pé bokanté, gouté, dégisté, achté.

MACHÉ LKP POU FÈ MÉMWA MACHÉ POU FÈ KONSYANS VANSÉ ÈVÈ ASOSIYASYON TI KANNO.

Dépi 6 zèd maten : Nou ké lésé loto an-nou a Lèwou owa lokal a TI KANNO. Pou pa pèd, a Gran ravin Gozyé, pran dirèksyon granbwa (D103), toujou dirèksyon Granbwa (D104) pou rivé Lèwou. Ké ni pano é drapo. Nou ké ay an transpò an komen a Benbridj.

7 tè é dimi : Nou ka lésé benbridj. Maché la ka fè 8,5 Kilomèt. Ké tini kat pwen ravitayman (tou lé 2 kilomèt).

11 zè : Nou ka rivé LÈWOU. Toulonchi-men, ké ni kozé Istwa, bokantaj, si sa ki pasé an sèktè la pou nou savé KI MOUN KI EDWA.

Koté midi : Nou ké manjé é kontinyé bokanté.

Laprémidi : Ké ni On Kout Tanbou an larèl a mès é labitid an-nou épi TI KANNO. Nou ké bout koté 3 zè.

Miz la sé 10 € pou transpò, ravi-tayman, manjé, ….. Vini épi on bon soulyé é sa ki fo pou sizé, bwè é manjé san sali laliwondaj annou.

Enskripsyon avan 25 Mé : 0690 360382 / 0590 831007