Origine du document
Site : http://ugtg.org
Page : spip.php?article2285
URL complète : http://ugtg.org/spip.php?article2285
Woulo pou 43 lanné UGTG
Owganizasyon a travayè gwadloup ki konstwi, grandi, dévlopé pou gannyé saki fondal pou tout fanm é nonm…libèté é dignité.
Wi, nou UGTG, dèpi 43 lanné nou ka pòté métòd pou konpwann :
Ankijan mépri pou gwadloupéyen fè chouké adan sosyété gwadloup konsa
Ankijan démounaj sé rasin a tout soufrans nou ka sibi
Ankijan kapitilasyon é jébésé a bon enpé adan nou ka anpéché nou détòtyé
Magré tousa, nou rivé kenbé doubout asi la rèl a rèspé, a dignité, a angajman, a résistans, kréyasyon é otantisité.
Wi UGTG sé on bèl owganizasyon, on limyè ka kléré lèspwa é gidonné travayè é pèp gwadloup.
Sépousa nou douwé, chak lanné, fè on ti kanpo asi nou menm. Dabò pou yonn pou nou pran tout sans a chimen nou ja pasé, é voyé monté lidé a fanm é nonm ki fè sa nou yé jòdila. Men osi, pou o final, nou kontinyé nouri lidé, nouri konsyans, fanm é nonm a jòdila, ka bityé pou kontinyé nouri lalit é nouri UGTG