Ou té ka goumé pou adan tout sewvis a konsey jénéral, yo fè bokantaj é lyannaj an plas a dikta.

Sé adan menm lespwi kèw té ka chèché « le changement social ».

Sé konsa ou poté Nouvel owganizasyon asi réjyon a now gran’n tè.

Nouvel espéryans : ou ozé on vwayaj an gran dlo avè jennès an difikilté.

Ou mobilizé la jennès a Botiran an vakans pou yo pa té pwan mové chimen.

Ou poté osi nouvo lidé é nouvo zouti pou fè vansé sektè sosyal an Gwadloup : Développement Social Lokal, sé vou !

Suzie, woulo pou dènyé konba aw : nou sav ka ou poté adan réfleksyon asi pwojé a ‘territorialisation’ a sewvis a konsey jénéral.

Nou pé ké oubliyé ! È sé pou sa nou ka diw mèsi an non a tout travayè.

mèsi pou plis ki 30 lanné konba.

Tout moun té sav apwésyé’w pou fos a karaktè aw, pou lespwi konbatif kèw té ka dégajé.

Lonè é respè pou angajman é aksyon aw.

Lonè é respè pou saw ka lésé ban nou !

Post-Scriptum

| Lire :
 Sur notre site : Pou tou sa, un poème dédié à Suzie lors du Xeme Congrès (mars 2002)
 Sur sur le site "Pyépimanla" : Suzie Anduse : une fée aux bienfaits transcendants