NOU,

Awtik I :

Wi nou sé on sèl Nasyon anlè chimen a nèg mawon

ki pété chenn kon Inyas.

Awtik 2 :

Nou ka palé é maké lang an nou Kréyol,
tout koté an GWADLOUP é asi latè.

Awtik 3 :

Nou ka travay tè, manjé silon laliwondaj an nou,
kyouyé bèt an-nou silon mès é labitid an nou.

Awtik 4 :

Tousa sé Ka, matris a tout zanfan Gwadloup.

Awtik 5 :

Nou ka débatizé lari otila ni non a kolon malfétè, asasen é volè.

Pou nou ba - yo non noumenm an nou. Non a Nèg, non a Zendyen,
non a Blan Gwadloup,
é non a tout dàt nonm ki woulé pou wouvè lèspwi a nonm asi Latè.

Awtik 6 :

Nou ka mandé, ki sé radyo, ki sé télé é ki tout larèstan moun ka bay lavwa
asi sa ki
Gwadloup poubon, yo voyé douvan nanm a pèp - la. Kivédi, yo pa andwa mouchté
dékatman an nou é opoze nou di, sa nou yé.

Awtik 7 :

An liyannaj avè travayé é pèp okonba adan LKP, nou ka é ké, fè tou sa ki
fo, lè
é la i ké fo pou opozé tout kalité lotorité, tout kalité dot nasyon mété
lanmen asi pawèl maké - lasa. Davwa, se pawôl maké - lasa, sé yo ka
wouvè lawonn a nanm Gwadloup.

Lapwent, 21 011TilB 2010.

LKP

Dapwé dwa tout nonm ki nonm tini dépi i fèt nonm,

Dapwé déldarasyon kiltirel a Mouvman Kiltirel Akiyo é Mouvman kiltirel Voukoum a 2001,