Nou ja fè onlo chimen dépi nou té désidé on jou, 5 désanm 2008, pòté métòd pou baré van a pwofitasyon an péyi annou asi do a travayè é asi do a maléré...

Nou wouba lavi sans, nou woukonmansé kwè adan nou menm, nou woukonmansé fè nou konfyans é maché ansanm ansanm pou dèmen pli bèl.

Men, nou tout sav ka rété onpil chimen a fè ankò pou détòtyé Gwadloup, dézankayé-y anba lèspwatasyon é tout dominasyon pou konstwi on dòt Gwadloup épi plis lanmou, plis inité, plis fratèwnité.

Ladiablès a yo adan jé annou ; i ochan pou fè nou déranmé, réprésyon, entimidasyon, manti kon manti fèt, divizyon, lisansiman a travayè, kouyonné moun ; pani biten yo péké fè pou éséyé woupran Ianmen.

Men nou ja gannyé, nou pa pè ankô padavwa nou sé moun kon tout moun si Iatè.

Pou 2011, annou kontinyé sanblé, ansanm ansanm, piti, grau, jenn, vyé, fanm, nonm, moun andikapé, pou déchouké pwofitasyon an péyi annou.