KOUKYANM

Anba sòlèy cho, jou dèyè jou,

men a on nonm

lévé wòch, kasé wòch,

koupé fè, kochi fè, maré fè,

siyé bwa, kloué klou adan bwa,

rimé mòtyé, rimé béton,

chayé motyé, chayé béton,

koulé mòtyé, koulé béton,

lévé masonn, andùi masonn…

on nonm tou kontan di dé men a’y :

« Sé nou ki mèt.
Gay sa nou fè épi on pilo wòch ! »

On dòt nonm rivé lè tout travay fini :
Koukyanm !

On nonm rantré an nwèsè a kaz a’y
é i mandé :

« Ka travay an-mwen rapoté-mwen ? »

I gadé dé men-ay :

yo té plen zanpoud é kò.
« Ki moun travay an-mwen pwofité ? »

I aché.

I touvé.

Sòley té ja paré pou fè jou an tèt a’y.

1970

Soni RIPÈ