Origine du document
Site : http://ugtg.org
Page : spip.php?article1613
URL complète : http://ugtg.org/spip.php?article1613
Pèp Gwadloup : Awa, Réprésyon a pa pri a péyé lè’w ka fè sendika !
Awa réprésyon a pa pri a péyé lew ka fè sendika !
Machinn a yo ka touné a tout. Sé plizyé kanmarad annou ki ké ni a monté mach tribinal a yo. Pani lontan sété kanmarad MADA : Vidéo
Avan sé dé kanmarad kon TABAR Christian kè yo kondané a 3mois lajol é suwsi plis, 3500€ amand, adan konfli a la TCSV. A chak kou sé lajol plis on bon enpé lajan lalwa a yo ka sèvi nou.
Nou ka répété : Awa, sendikalis pa kriminèl !
Sé mobilizasyon annou osi ki ka fè yo tchoulé dépawfwa.
Sa poko fin mé nou pa pè !
Fo nou mobilizé tout sé jou la sa, padavwa dot kanmarad annou ké kontinyé monté mach tribinal a yo :
Lendi 10 Oktob 2011 – 9vè é dimi TGI Lapwent Alexis LUNION
Mawdi 11 Oktob 2011 – 8tè é dimi TGI Lapwent Ginette LERUS
Mawdi 11 Oktob 2011 – 2zèd laprémidi CA Bastè Patrice BURAT
Kanmarad a l’UTHTR-UGTG konvoké douvan jij denstriksyon la pou afè a Steeven FISTON ki té pèd vi ay adan aksidan a moto, Senfranswa an 2009 pannan mouvman a LKP :
Jédi 03 Novanm 2011 a 10zèd maten, Mercedes PLATON é Yanise FONTAINE épouse AZEDE
Vandredi 04 Novanm a 8tèd maten, Blaise YENGADESSIN, Florent LATCHOUMAYA, Alix LENDO
Jédi 10 Novanm 2011 a 10zèd maten, Béatrice CHARLES épouse RAMKALIA, Anastase Pierre RIMBON
Jédi 24 Novanm 2011 a 8tèd maten, Charly LENDO
Maké sé dat la pou nou pa oubliyé é siwtou pou nou pé réponn a lendikatif prézan !!!